Per Madsen viser fram kjempesoleie. Foto: Kristina Bjureke, NHM
– Medan andre kommunar har valt blomar som finst ”overalt”, som tyttebær og hestehov, har Lørenskog gjort ein grundig prosess for å finna ein art som er typisk for kommunen, fortel botanikar Kristina Bjureke frå NHM.
Ho er akkurat komen inn døra etter ein guida tur i kommunen sin regi for å sjå den nykåra kommuneblomen. Guide for turen har vore Per Madsen frå Norsk Botanisk Forening, som mellom anna har samla inn frø frå kjempesoleie til NHM.
Sterkt truga
– Kjempesoleie er nemlig ein av dei artane som NHM bevarar ex situ, dvs. at vi dyrkar fram arten utanfor der den veks til vanleg. Kjempesoleie er forsvunnen frå 60 % av dei kjente veksestadene i Norge, og vert vurdert som ein sterkt truga (EN) art.
– Lørenskog har dermed ikkje berre valt ein art som ikkje finst så mange stader, men får òg fram at artsmangfaldet i landet er truga, seier Bjureke.