Den amerikanske utgjevarforeninga Association of American Publishers (AAP) deler kvart år ut PROSE Awards i meir enn førti kategoriar. Prisane vert tildelt fag- og vitskaplege utgjevingar som har peika seg ut i året som har gått, og har vore delt ut sidan 1976.
"The Geologic Time Scale 2012", redigert av Gradstein m.fl., fekk heiderleg omtale i kategorien fleirbands oppslagsverk/naturvitskap (Multivolume Reference/Science).
Felix M. Gradstein er professor II ved NHM. I november i fjor fekk han to kanadiske forskingsprisar, og han vart tildelt Lamarck-medaljen i 2009.
